Archive for May, 2016

ඔබ නික්ම ගොස් තිබුණා

1918187_918702614911531_5434825988726880550_n
ඔබ නික්ම ගොස් තිබුණා
එක්තරා සවසක
නොකියාම
ඔබ නික්ම ගොස් තිබුණා
 
කඳුළු සීතල වැස්ස උතුරන
හදක් පතුළේ අකුණු පුපුරන
සුසුම් සුළඟින් කවුළු දෙදරණ
එක්තරා සවසක
ඔබ නික්ම ගොස් තිබුණා
නොකියාම
 
සඳක් අබිනික්මන් කරන්නට
ගණන් බලමින් හිඳින මොහොතක
වළාකුළු පෙළ මක් කරන්නද
තරු දෑස් මතකයෙ ඇමිණී
රිදුම් දෙන වර නේක
එක්තරා සවසක
ඔබ නික්ම ගොස් තිබුණා
නොකියාම
 
~ රුවන් නෙලූ

තෙල් සායම් කිරිල්ලියෝ

12540894_895420810573045_6822085373763628969_n

ළා රෝස පාට අහසේ
තෙල් සායම් කිරිල්ලියෝ
යා යුතුද කොහිද නොදනී
මල් මායම් මැවිල්ලියෝ

වී කුරුළු රෑන් අස්සේ
බටු ගිරා රෑන් ගැවසේ
මල් මාල බැඳන් රන් රිදී පොටින්
දිළිසි දිළිසි ඒවී
තෙල් සායම් කිරිල්ලියෝ

ගී ශෝක රාව මැද්දේ
තනි දෙමළිච්චන් පැද්දේ
නැති අත පුච්චන් මැද බළල් ගැටව්
නැටුම් නටා පාවේ
තෙල් සායම් කිරිල්ලියෝ …..

~ රුවන් නෙලූ